Chips Republic (圓方篇) - 有質素的Fish & Chips

記得年前第一次幫襯Chips Republic已經覺得價錢又貴個包又細; 雖然幾個月前知道位置重新裝修, 但仍然無再行入去的衝動.

因為團購, 令我決定再試一次.

其實Chips Republic並非第一次出團購, 不太記得上次是甚麼優惠(因為無買), 大概是現金券之類吧. 但今次吸引我的是$49 Fish & Chips套餐.

Fish & chips這種製法簡單的菜式在香港很多地方都有, 但較'港式', 即是已預先製作好的'fish fingers', 件件都是長方體, 同一size那種, 又或者是魚扖, 即麥記魚柳包那款. 如果要大大件似外國風味的話, 就要去較高檔的西餐廳, 一份動輒都要近百蚊.

是次團購網頁報稱原價是$85, 團購$49一份, 本著一試的心態買了兩份; 這篇食評是分了兩日兌換了兩次後才執筆.

裝修後的Chips Republic位置大了, 座位亦多了; 依然是自助形式, 但有個pager可先找座位再等通知取食物.

第一次看到這份fish & chips, 嘩, 原來都幾大份, 難得是魚扖原條炸, 炸粉又不厚. 從熱辣辣及脆口程度便知是即叫即製, 魚入口亦夠新鮮夠滑. 外脆內軟, 很有質素, 可謂一試難忘.

薯條則屬粗條那種, 入口同樣熱辣辣, 當然並非甚麼特別的味道, 但絕對合格有餘.

第二次兌換團購餐的fish & chips質素與第一次同樣出色, 相信魚扖的大小每份都差不多.

不過由於團購餐有限制兌換時間為非繁忙時間, 所以兩次到訪時人客都不多, 希望他們繁忙時間亦能保持質素.

撇除地點等因素其實$49一份fish & chips也非特別平, 不過有如此質素我仍覺得值得一試.