悠閒的星期日, 相約朋友到圓方睇戲. 入場前搵地方醫肚, 朋友提議上平台逛逛.
我這個'平民'首次踏足圓方的平台, 先發現原來環境很不錯; 圓形的佈局旁邊盡是不同的食肆, 中間一個大水池, 又剛好是日天清氣朗, 感覺怡人.
碰巧其中一間食肆被包場舉行婚宴酒會, 而部份食肆又未開門, 所以食客都堆在餘下的兩間, 我們亦隨便走進其中一間Cafe Iguana.
甫坐下侍應便遞上餐牌, 其中一個為set lunch, 另一個則是Sunday brunch, 兩個餐牌價錢差不多; 正當我們決定點菜的時候, 其中一個侍應忽然走來拿走set lunch的餐牌, 只扔下一句:"今日只有Sunday brunch", 毫無禮貌可言...
注意, 當時是中午十二時半, 而兩份餐牌均寫明是中午十二時開始的, set lunch亦寫明星期一至日供應.
好吧, Sunday brunch無問題, 不過我們亦需要問清楚究竟Sunday brunch是否如set lunch一樣附有餐飲, 當時侍應A的回覆是包餐飲的.
先來個沙律, 沙律菜尚算新鮮, 那兩隻蝦雖然大隻但無甚麼味道, 嚐不到任何蝦或鮮味.
是日餐湯是南瓜湯, 睇落好'杰', 不過奇怪飲落雖然不覺得有溝水, 但味道卻淡如水; 反而那塊蒜蓉包幾好食.
主菜先點了個Ham & Egg with Bagels.
Bagel上主要是風乾火腿, 菠菜葉, 紅蔥及半熟蛋及車打忌廉醬. 首先, 那隻蛋已經變成全熟, 其次火腿實在太少, 食落感覺純粹在'吊'味而已, 在缺乏其他主食的情況下這個bagel就似喪失了靈魂, 完全不知誰是主誰是副, 味道就只是一個有有少少菜少少鹹味的bagel.
食完令人失望的bagel, 惟有寄望另一道主菜 - Chicken Burrito.
這個墨西哥的Burrito賣相是一個肉卷, 內裡有雞肉, 炒蛋及不同種類的豆. 雖然份量不大, 但餡料全是飽肚的東西, 絕對夠飽. 一提伴碟有三種醬料選擇, 但卷內又有種不知名的醬, 沙律醬顏色但似芝士質地, 入口卻又不怎有味道. 這個食落較bagel好, 起碼餡料味道尚能互相配合, 不過總括來說僅屬一般.
飯後我們打算叫餐飲, 怎知另一位侍應B說brunch不包餐飲... 我們沒有與她理論, 再叫落單的侍應A問清楚; 侍應A第一個回覆仍然是包餐飲的, 我們請她再去確實一下, 她走到前台擾攘一論後最終回覆不包...
只是一杯飲品, 沒有需要理論, 但重點是給客人錯誤資料兩位侍應都沒有道歉, 請問這是甚麼服務態度??
可能這些高尚地方實在不適合我這類'平民'到訪呱...
沒有留言:
張貼留言