茜廊餐廳 (德福廣場篇) - 食物不錯,價錢合理

到德福睇戲, 入場前嘆下午茶, 途經茜廊見menu都頗多選擇, 決定一試.

揀個豬扖蛋便當配碗仔翅.

碗仔翅濃杰適中, 都幾多料, 一般的味道, 無特別. 豬扖便當裡的豬扖尚算鬆化, 厚度OK; 不足是那'塊'炒蛋已完全熟透, 若'輕手'一點保留蛋汁撈飯就完美.

另點個公司三文治.

賣相幾好, 料亦足夠, 並非甚麼特別的味道, 但以'餐廳'來講這個公司三文治合格有餘.

食物質素不錯, 以餐廳環境來講價錢合理, 好評一個.