3D 狄仁傑之神都龍王 - 靠靚仔靚女吸引入場

其實初初很奇怪，身邊的朋友對這套狄仁傑有點抗拒；不過自己一向對這類神化查案戲（自創形容詞！）有興趣，所以最終都有入場一看。

講明是神化查案戲，故事內容天馬行空；兩小時的劇情尚算清楚明白，節奏流暢。

可能上集飾演狄仁傑的劉華較深入民心，今次打正旗號搵趙又廷飾演年輕版狄仁傑，而香港宣傳著眼點則在於連續兩集都演武則天的劉嘉玲。不過是次劉嘉玲只是個大配角，戲份不多；反而劇情集中在馮紹峰、趙又廷及Angelababy，個人覺得以飾演捕快的前者較有發揮。

另外，本片的3D及CG效果OK，不過3D感覺有點多餘，因為精彩的反而是動作及對打。

狄仁傑並非必睇電影，不過兩小時娛樂有靚仔靚女睇都唔錯呀！

75分