近半年經常幫襯大家樂,主力一試其超值餐或新產品,亦盡量到不同的分店進餐看看會有甚麼不同。
在近期寫過多篇大家樂食評中,暫時結論僅屬中規中矩。看到報紙又有新一輪廣告,今次主打意粉 - 「意式乾茄醬、油揚海鮮意粉」。
取餐時有少少奇怪,因為此意粉毋須call入廚房,而是樓面即製,估計樓面收單後只需將已煮熟的意粉及已炸好的海鮮件上碟,再淋上茄汁即成。
收餐後第一個反應是:「下?乜同廣告張相差咁遠?」
望住這碟完全無賣相的意粉,食慾已減了四分一;而那幾舊油揚海鮮則完全淹沒在茄汁裡...
食落就似是焗肉醬意粉,但煮法不同及 由肉醬變了炸海鮮。恕小弟孤陋寡聞,我食不出那意式乾茄醬與普通茄醬有甚麼不同。但請不要誤會,並非難食,但味道普通。
至於那所謂的油揚海鮮,只有一隻炸蝦,一件炸魚,一件炸魷魚塊及幾粒蜆... Size小小之餘明顯地已炸了一段時間,單靠上碟時用茄汁加熱,而我亦食不到有何特別。
此碟意粉惟一的好處時意粉夠多,茄汁味道雖一般但夠多汁,男仕們應夠飽肚... 但僅此而已。
這個意粉要接近四十蚊,連飲品更要過四十,我實在找不到再試的理由,負評一個。
沒有留言:
張貼留言